CONVIVENCIA DO CLUB DE LECTURA

 

A piques de rematar o curso, os participantes no club de lectura deste curso 2024/25 poñen punto e final a esta actividade de animación á lectura compartindo unha xornada de convivencia no Aquapark de Cerceda.

CRUZAR O ESTREITO

O alumnado de 5º e 6º de Primaria coñeceu de man de tres rapaces da asociación "A raíña" a experiencia que supón cruzar o estreito. Estamos seguros de que foi un testimonio impactante!

TORNEO DE PELUSAS

Gústanvos os xogos de mesa? A nós encántannos!

Por iso, desde hai varias semanas, na biblioteca do noso centro, unha gran parte do alumnado de Primaria está participando no torneo de Pelusas.

A vindeira semana será a gran final... que emocionante!

LECTURAS COMPARTIDAS

É importante espertar o interese pola lectura desde a primeira infancia.

As colaboradoras da biblioteca do noso centro educativo téñeno claro!

Ao longo deste curso, estas voluntarias de sexto de primaria están a compartir tempo de lectura co alumnado de Educación Infantil. Seleccionan textos adaptados á idade e fan a lectura do conto para as crianzas.

Sen dúbida, unha experiencia marabillosa para pequenos e maiores.

OBRADOIRO DE AVIÓNS DE PAPEL

Gústache facer avións de papel?

Na biblioteca do CPI Castro Baxoi, as primeiras semanas de abril, gozamos dun obradoiro de avións de papel.

Aprendermos a crear distintos modelos coa axuda dos máis maiores de Primaria.

Agora só queda poñelos a proba!

OBRADOIRO DE POSTAIS LUMINOSAS

Con motivo do Nadal, ao longo do mes de decembro na biblioteca do noso centro, levouse a cabo un obradoiro de creación de postais luminosas.

Participou alumnado de toda a etapa de Educación Primaria.

Conxugando o coñecemento científico para montar o circuíto, as dotes artísticas e un chisco de creatividade os estudantes fixeron unhas postais personalizadas ben xeitosas e orixinais.

Aquí tedes unha mostra:

CLUB DE LECTURA

Como en anos anteriores, o noso centro participa no programa "Clubs de lectura". Esta iniciativa pretende fomentar o hábito lector entre o alumnado.

Contamos con 70 participantes do terceiro ciclo de Educación Primaria. Está a ser un éxito!

No grupo de 5º de Primaria están a ler Plan de rescate (Antía Yánez) e Apestoso tío Muffin (Pedro Mañas).

No grupo de 6º de Primaria están a ler Abdel (Enrique Páez), Atranco no banco (Manuel Núñez Singala) e A folla azul (Andrea Maceiras).

Os debates durante e despois da lectura permiten ao alumnado expresar as súas opinións, expoñer as emocións que espertan as historias, confrontar puntos de vista...

Os integrantes do club tamén recibiron uns preciosos marcapáxinas para incentivar a lectura.