CLUB DE LECTURA SALICORNIA

 Este mércores, o noso alumnado do Club de Lectura de 5º e 6º de Primaria desfrutou dun día estupendo no Aquapark de Cerceda.

Xa case non nos collen nas fotos de tantos que son!

Grazas pola vosa participación e esperámosvos no Club de novo o ano que vén!

TORNEO SKYJO

 Como nos gustan os torneos e concursos na biblioteca!

E por iso, seguimos poñendo en marcha novos concursos, como o  Torneo SkyJo, no que participou o alumnado de Primaria demostrando  as súas habilidades matemáticas. Mirade que concentrados!

A final foi este venres, 5 de xuño, e o gañador , Erik Santos Cambeiro.

Aquí o tedes cos seus compañeiros de torneo e co seu agasallo.

Parabéns e a seguir xogando con nós!

AS SETE MARABILLAS DO MUNDO MODERNO

 Este ano,  o noso alumnado pasou moitos recreos construíndo algunhas das sete marabillas do mundo moderno. 

O proceso foi laborioso pero non se desanimaron!

O primeiro foi O Coliseo Romano

E aquí tedes o Machu Picchu!

E a creación da Muralla Chinesa!

E, por suposto, témolas expostas na nosa nova vitrina, que foi unha doazón da ANPA para o noso alumnado, ao igual que as pezas de construción coas que traballaron.

Moitas grazas!!

I CERTAME DE ESCRITORES MARABILLOSOS

Con moitas ganas, este ano inauguramos o I Certame de Escritores Marabillosos.

Os rapaces e rapazas de Primaria e Secundaria participaron neste concurso no que demostraron as súas habilidades como escritores!

E as gañadoras e gañadores por niveis foron os seguintes:

• Gisele López Rega- 3º Primaria (Categoría Exploradores Literarios)
• Iago Rubianes Rodríguez- 4º Primaria  (Categoría Plumas Voadoras)
• Isabela Souza dos Santos- 1º ESO ( Categoría Creadores de Mundos) 

E, como non, tamén podedes ler os relatos cos que gañaron os seus premios.

Parabéns!!

VOLVEN AS LECTURAS COMPARTIDAS

Como xa se fixo en cursos anteriores, o alumnado voluntario da biblioteca de 6º de Educación Primaria está dinamizando os momentos lectores nas aulas de Infantil. 

Esta actividade ten por obxectivo espertar o gusto pola lectura desde a primeira infancia e, ao tempo, impulsar as habilidades lectoras e comunicativas dos máis maiores.

É unha tarefa máis complexa do que parece, os voluntarios non só seleccionan textos adaptados á idade do seu público, tamén deben facer unha lectura expresiva e que resulte atractiva para as crianzas.

Sen dúbida, unha experiencia moi enriquecedora para pequenos e maiores!

CIFRAS E LETRAS

Este curso poñemos en marcha unha nova actividade na biblioteca: CIFRAS E LETRAS.

O alumnado de 4º, 5º e 6º de primaria participou durante os recreos nunha versión deste popular concurso de televisión.

Por un lado, a proba de letras ten por obxectivo formar a palabra máis longa. Por outro lado, na proba de cifras a finalidade e chegar a un resultado exacto combinando distintas operacións aritméticas.

Exercitar o cálculo e o vocabulario nunca antes fora tan divertido!

E velaí o noso gañador do concurso: Edu Rodríguez Sanmartín, de 6º A Primaria.

POSTAIS LUMINOSAS

Como cada ano, a biblioteca encheuse de luz e circuitos!

O alumnado elaborou postais luminosas seguindo a temática do noso PDI, as 7 marabillas do mundo moderno.

Curso tras curso, a demanda incrementa e, nesta ocasión, fixéronse arredor de 200 postais. Todo un récord!