POSTAIS LUMINOSAS

Como cada ano, a biblioteca encheuse de luz e circuitos!

O alumnado elaborou postais luminosas seguindo a temática do noso PDI, as 7 marabillas do mundo moderno.

Curso tras curso, a demanda incrementa e, nesta ocasión, fixéronse arredor de 200 postais. Todo un récord!

PRESENTACIÓN DO LIBRO "LA SUPERFAMILIA" DE ALICIA MUIÑO PÉREZ

A alumna do CPI Castro Baxoi, Alicia Muiño Pérez, presentou o seu libro "LA SUPERFAMILIA" no noso centro o pasado 28 de novembro.

A autora fixo dúas presentacións, unha para 2º da ESO e outra para 4º de EP, que foron un éxito!

Non tódolos días podemos falar de preto coa escritora dun libro cheo de valores e ensinanzas.

Moitas grazas por compartir esta bonita historia con nós, Alicia!

CHEGOU O SAMAÍN!

Como cada curso, a primeira festividade que ten lugar no CPI Castro Baxoi é o Samaín.

A nosa biblioteca encheuse de decorados terroríficos: fantasmas, lápidas, caveiras, cabazas arrepiantes, gorros de bruxa...

Os contos de medo foron os protagonistas e viaxaron a todas as aulas nos cartafoles preparados polo Equipo da Biblioteca. Nos momentos lectores gozamos moito desas historias, tan terroríficas como divertidas!

Tamén houbo contacontos terroríficos na propia biblioteca e lecturas compartidas de medo nas aulas de Infantil.

Como novidade, este ano tivemos a visita da Santa Compaña grazas ao alumnado da ESO. A procesión de almas vagou polo centro, foi arrepiante! Pero estamos desexando que volvan!

CONVIVENCIA DO CLUB DE LECTURA

 

A piques de rematar o curso, os participantes no club de lectura deste curso 2024/25 poñen punto e final a esta actividade de animación á lectura compartindo unha xornada de convivencia no Aquapark de Cerceda.

CRUZAR O ESTREITO

O alumnado de 5º e 6º de Primaria coñeceu de man de tres rapaces da asociación "A raíña" a experiencia que supón cruzar o estreito. Estamos seguros de que foi un testimonio impactante!

TORNEO DE PELUSAS

Gústanvos os xogos de mesa? A nós encántannos!

Por iso, desde hai varias semanas, na biblioteca do noso centro, unha gran parte do alumnado de Primaria está participando no torneo de Pelusas.

A vindeira semana será a gran final... que emocionante!

LECTURAS COMPARTIDAS

É importante espertar o interese pola lectura desde a primeira infancia.

As colaboradoras da biblioteca do noso centro educativo téñeno claro!

Ao longo deste curso, estas voluntarias de sexto de primaria están a compartir tempo de lectura co alumnado de Educación Infantil. Seleccionan textos adaptados á idade e fan a lectura do conto para as crianzas.

Sen dúbida, unha experiencia marabillosa para pequenos e maiores.